Наталля Хершэ, асуджаная за сарваную балаклаву, паўтара месяца правяла ў ШІЗА
Палітзняволеная Наталля Хершэ адбывае пакаранне ў гомельскай калоніі №4. Агулам ужо паўтара месяца яе трымаюць у штрафным ізалятары.
У ШІЗА Хершэ змяшчалі з 6 па 23 мая, а таксама з 24 мая па 3 чэрвеня. Пасля чатыры дні жанчына правяла ў медсанчастцы, а з 8 чэрвеня яе зноў адправілі ў штрафны ізалятар. Яна часова пазбаўленая магчымасці адпраўляць лісты і тэлефанаваць.
Адзінае, што брат Генадзь атрымаў за гэты час, — тэлеграма. Наталля пісала, што ёй далі кароткі бальнічны, скардзілася на боль пальцаў рук і ног, тэмпературу 37,3.
Дакладнай прычыны, чаму сястру трымаюць у ШІЗА, Генадзь не ведае. У афіцыйным адказе напісана, што «асуджаная дапускае парушэнні вызначанага парадку адбывання пакарання, за якія прыцягваецца да дысцыплінарнай адказнасці».
Брат мяркуе, што Наталлю маглі перавесці з пашыву грамадзянскага адзення і мяхоў на вытворчасць формы для сілавікоў, а яна збіралася адмовіцца гэта рабіць.
«Гэта для яе прынцыпова. Яна чакала ўзмацнення ціску і ў апошняй нашай размове гэта акцэнтавала», — кажа ён.
Раней Хершэ распавядала, што яе часта нагружаюць заданнямі.
«Да адбою заставалася 30 хвілін, я павінна была правесці прыборку ваннага пакою — 8 умывальнікаў, 7 унітазаў плюс бідэ, памыць падлогу і сцены, вынесці смецце. Праз пяць хвілін прыйшлі з праверкай і сказалі, што яшчэ праз пяць хвілін я павінна закончыць. А дрэнна выкананае дзяжурства цягне за сабой пакаранне», — цытаваў ліст Генадзь. —
Наташа пісала, што адзін з супрацоўнікаў ім так і казаў: калі на асуджанага няма ніводнага рапарта, гэта кажа пра дрэнную працу рэжымнага супрацоўніка. У дадатак да агульных праверак у яе яшчэ дзве дадатковыя — у 10 і 20 гадзін.
Яна піша: «Проста немагчыма жыць у памяшканні, дзе шмат людзей, і ніколі не парушыць правілы ўнутранага распарадку. Правілы ўнутранага распарадку — спосаб заўсёды мець магчымасць пакараць, калі гэта будзе неабходна».
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары