У Фаніпалі запусцяць вытворчасць віскі па шатландскай тэхналогіі
У Фаніпаля ідзе будаўніцтва завода «Бровар «Саюз», які стане першай у краіне вытворчасцю прэміяльных дыстылятаў поўнага цыкла. Запуск намечаны на 2026 год. Гэты праект, лічаць яго аўтары, можа зрабіць горад адным з цэнтраў прамысловага турызму, піша fanipol.by.
Праект рэалізуе ЗАТ «ДГ-Цэнтр», якое таксама развівае ў раёне вытворчасць чорнай ікры і будуе жылыя шматпавярховыя дамы.
«У гэтай вытворчасці вельмі высокі патэнцыял прамысловага турызму. І ў нашых планах злучыць два прадпрыемствы: вытворчасць чорнай ікры і вінакурню «Саюз», — кажа дырэктар кампаніі Уладзімір Даўгяла.
Галоўная асаблівасць фаніпальскай вытворчасці — класічная шатландская тэхналогія з выкарыстаннем медных аламбікаў. Такое абсталяванне ўнікальнае для Беларусі. Яно дазволіць вырабляць асаблівыя спірты, якія пасля вытрымкі ў дубовых бочках стануць асновай для віскі і іншых напояў.
«Тыя спірты, якія вырабляюць медныя кубы аламбікі, па сваіх фізіка-хімічных уласцівасцях адрозніваюцца ад усіх іншых спіртоў, якія выкарыстоўваюцца на нашых айчынных прадпрыемствах, таму мы не будзем нікому канкурэнтамі», — растлумачыў Уладзімір Даўгяла.
Плануецца, што завод будзе выпускаць збожжавыя і соладавыя дыстыляты для віскі, а таксама эксперыментаваць з вытворчасцю джынаў.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным15
Каментары
Напрыклад у Нямеччыні у танных гандлёвых сетках кшталту Netto альбо Kaufland прысутнічае разнастайны моцны алкаголь у бутэльках рознага памеру, але незаўважна, каб яго надта актыўна куплялі. Але ж попыт на віно і піва адносна стабільны.