У Тайландзе скасавалі абмежаванне на продаж алкаголю з больш чым 50‑гадовай гісторыяй
У Тайландзе дазволілі прадаваць алкаголь у дзённы час. Пасля публікацыі адпаведнай пастановы ў мясцовай «Каралеўскай газеце» забарона, якая дзейнічала з пачатку 1970-х, страціла моц.
Цяпер у краіне дазволена прадаваць спіртное з 14:00 да 17:00. Гэта зроблена ў тэставым рэжыме на паўгода: пасля ўлады дадуць ацэнку эканамічных і сацыяльных наступстваў і вызначаць, ці працягваць паслабленне. Пры гэтым забарона на продаж алкаголю з паўночы да 11:00 застаецца.
Для бараў і рэстаранаў зробленае выключэнне — іх наведвальнікі змогуць ужываць алкаголь яшчэ гадзіну пасля завяршэння продажу, да 01:00. Абмежаванні таксама не дзейнічаюць у міжнародных аэрапортах для пасажыраў на вылет і прылёт, а таксама ў ліцэнзаваных забаўляльных установах і частцы гатэляў.
Абмежаванні на продаж алкаголю ў Тайландзе існавалі з 1972 года, калі іх увялі, каб прадухіліць ужыванне спіртнога на працы ў працоўны час. Пытанне адносна адмены гэтых правілаў паднялі прадстаўнікі рэстараннага бізнесу, якія ў 2024 годзе звярнуліся да тагачаснага прэм’ер-міністра Сетхі Тхавісіна, скардзячыся на рост выдаткаў і цэнаў на прадукты.
Улады чакаюць, што змякчэнне гэтых правілаў падтрымае эканоміку і зробіць краіну яшчэ больш прывабнай для турыстаў.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары