Якія спектаклі назвалі найлепшымі ў Беларусі? Падвялі вынікі Нацыянальнай тэатральнай прэміі
Цырымонія ўзнагароджання пераможцаў VIII Рэспубліканскага конкурсу тэатральнага мастацтва «Нацыянальная тэатральная прэмія» адбылася ў Купалаўскім тэатры, пішуць «Мінск-Навіны».
Журы і гледачы ацанілі 37 пастановак ад тэатраў з Мінска, Брэста, Віцебска, Гомеля, Гродна, Магілёва, Маладзечна, Бабруйска.
Міністр культуры Руслан Чарнецкі падкрэсліў, што падчас цырымоніі адзначаюцца лепшыя з лепшых, а якасць заяўленых спектакляў становіцца вышэйшай.
— Нацыянальная тэатральная прэмія набывае ўсё большае значэнне не толькі для тэатралаў, прафесіяналаў тэатральнай супольнасці, але і для гледачоў у тым ліку, — запэўніў Чарнецкі.
Па рашэнні журы, найлепшым спектаклем для дзяцей і юнацтва стаў «Разумны сабачка Соня» Беларускага дзяржаўнага тэатра лялек, найлепшым спектаклем тэатра лялек — «Бах-бах-бах» Магілёўскага абласнога тэатра лялек.
Перамагла ў намінацыі «Найлепшы спектакль тэатра драмы для вялікай сцэны» пастаноўка Нацыянальнага акадэмічнага драматычнага тэатра ім. М. Горкага «Фаўст. Здзелка з д'яблам» па матывах трагедыі Гётэ.
Найлепшым спектаклем тэатра драмы для малой сцэны прызнаны «Вежы Маладзечанскага замка» Мінскага абласнога драматычнага тэатра.
Найлепшым оперным спектаклем стаў «Яўген Анегін», а найлепшым спектаклем балета — «Папялушка» Вялікага тэатра Беларусі.
У намінацыі «Найлепшы спектакль у жанры аперэта, музычная камедыя, мюзікл» перамагла аперэта «Цудоўная Алена» Беларускага дзяржаўнага акадэмічнага музычнага тэатра.
Спецыяльную прэмію за ўклад у развіццё тэатральнага мастацтва Беларусі атрымаў галоўны мастак Нацыянальнага акадэмічнага тэатра ім. Я. Купалы Барыс Герлаван.
Мастацкі кіраўнік Маладзёжнага тэатра эстрады Уладзіслава Арцюкоўская перамагла ў намінацыі «Найлепшая работа драматурга ў спектаклі тэатра драмы» за пастаноўку «Без тэрміну даўніны».
Былі адзначаны працы пастаноўшчыка ў музычным спектаклі (Сяргей Мікель) і праца дырыжора ў музычным спектаклі (Марына Траццякова) за балет «Купалле».
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары