Пацярпелыя — 13 супрацоўнікаў «Алмаза». Мінчуку далі чатыры гады калоніі за «Партызанскі марш»
У судзе Фрунзенскага раёна Мінска абвясцілі прысуд 53-гадоваму Мікалаю Дзенісевічу, які абвінавачваўся ў актыўным удзеле ў дзеяннях, што груба парушаюць грамадскі парадак, наўмысным пашкоджанні маёмасці, пагрозе ўжывання гвалту ў дачыненні да сілавікоў, паведамляе spring96.org.
Фота Мікалая Дзенісевіча з сямейнага архіва
Па версіі абвінавачвання, 18 кастрычніка мінулага года падчас несанкцыянаванага «Партызанскага маршу» мінчук кідаў у службовыя аўтамабілі сілавікоў камяні, кавалкі асфальту і іншыя прадметы. Гэтыя дзеянні кваліфікавалі як пагрозу прымянення гвалту. Пацярпелымі выступалі 13 супрацоўнікаў «Алмаза».
З іх у судзе дапыталі толькі траіх. Яны выступалі ў балаклавах пад выдуманымі імёнамі.
Мікалай Дзенісевіч віну прызнаў у поўным аб'ёме, але патлумачыў, што ён зрабіў толькі два «сімвалічныя кідкі».
У выніку суддзя прызнаў мужчыну вінаватым і прызначыў чатыры гады калоніі агульнага рэжыму.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары