Прышпіленую сцюардэсу выкінула за 100 м з самалёта падчас авіякатастрофы ў Нью-Ёрку. Яна выжыла
47‑гадовая бортправадніца авіякампаніі Air Canada Саланж Трамбле цудам выжыла падчас авіякатастрофы ў аэрапорце «Ла Гуардыя» ў Нью-Ёрку. Яе так і знайшлі прышпіленай да крэсла. Дачка жанчыны кажа, што ў яе маці «быў анёл-ахоўнік».
Трагедыя адбылася ў нядзелю, 22 сакавіка 2026 года. Рэйс, які выконвала Air Canada, прызямляўся ў Нью-Ёрку, прыляцеўшы з Манрэаля.
На борце знаходзіліся 72 пасажыры і чатыры члены экіпажа. Калі самалёт ужо крануўся паласы, адбылося нечаканае: ён на хуткасці сутыкнуўся з пажарнай машынай.
Аўдыязапісы перамоў сведчаць пра хаос у дыспетчарскай.
Пажарная машына ехала на іншы выклік — у салоне самалёта United Airlines адчуваўся пах гару, і дыспетчары першапачаткова далі ёй дазвол перасекчы ўзлётна-пасадачную паласу, па якой садзіўся канадскі рэйс.
У апошнія секунды перад ударам дыспетчар пачаў адчайна крычаць: «Стой! Машына 1, стой, стой, стой!», аднак было ўжо позна.
Удар быў каласальнай сілы. Кабіна пілотаў была цалкам знішчана. Два пілоты загінулі на месцы. Больш за 40 чалавек атрымалі траўмы рознай ступені цяжкасці і былі шпіталізаваны. Сярод іх — двое пажарных, якія знаходзіліся ў машыне.
Адной з пацярпелых стала бортправадніца Саланж Трамбле. Яна выжыла пасля таго, як яе выкінула з самалёта.
У інтэрв’ю выданню TVA News яе дачка Сара Ляпін распавяла, што маці атрымала шматлікія пераломы і была шпіталізаваная. Яе выкінула з самалёта больш чым на 100 метраў. Яна таксама паведаміла, што ў момант катастрофы маці сядзела адразу за пілотамі.
«Гэта сапраўдны цуд. У момант удару яе крэсла выкінула з самалёта больш чым за 100 метраў. Яе знайшлі, і яна ўсё яшчэ была прышпіленая, — распавяла Ляпін TVA News.— У яе быў анёл-ахоўнік. Усё магло быць значна горш».
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары