Паглядзіце, што стала з мостам, які павінен быў урачыста адкрываць Лукашэнка
У суботу планавалася адкрыццё новага чацвёртага моста ў Гродне з удзелам Лукашэнкі. Паблізу паставілі сцэну, чакаўся канцэрт і светлавое шоу.
Аднак за некалькі гадзін да мерапрыемства праз горад прайшла моцная залева і ў тым самым месцы, дзе двума тыднямі раней здарыўся апоўзень, зноў сышоў грунт. У выніку канцэрт і адкрыццё адмянілі.
Латок для аварыйнага скіду вады замыла пяском, абваліліся ходнікі.
Дарожнае палатно не пашкоджана, аднак участак быў перакрыты для праходу і праезду. Таму ўрачыстае адкрыццё адмянілі.
Кіраўнік вобласці Уладзімір Каранік у інтэрв’ю мясцовым СМІ сказаў, што на ліквідацыю наступстваў спатрэбіцца паўтара тыдні.
Каментары