Еўрапейская камісія (ЕК) прызнала сапраўднымі на тэрыторыі Еўрасаюза сертыфікаты аб вакцынацыі, выдадзеныя ва Украіне і яшчэ ў дзвюх краінах — Турцыі і Паўночнай Македоніі. Пра гэта гаворыцца ў паведамленні, апублікаваным на сайце ЕК.
З заўтра, 20 жніўня, сертыфікаты вакцынацыі, выдадзеныя ў гэтых краінах, будуць прымацца на тэрыторыі Еўрасаюза на тых жа ўмовах, што і лічбавыя сертыфікаты ЕС. У той жа час Украіна, Турцыя і Паўночная Македонія пагадзіліся лічыць сапраўднымі на сваёй тэрыторыі лічбавыя сертыфікаты аб вакцынацыі Еўрасаюза.
«Я рады бачыць, што спіс краін, якія ўкараняюць сістэму, заснаваную на лічбавым сертыфікаце ЕС COVID, няўхільна расце, і мы ўсталёўваем стандарты на міжнародным узроўні. Гэта дапаможа палегчыць бяспечныя падарожжа, у тым ліку і за межы нашага Саюза», — заявіў з гэтай нагоды камісар ЕС па пытаннях юстыцыі Дыд'е Рэйндэрс.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу9
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары