У Расіі падрыхтавалі законапраект аб забароне ўезду ў краіну «русафобам»
Дэпутаты ад думскай фракцыі «Адзіная Расія» распрацавалі законапраект, які мае забараніць уезд у РФ замежнікам, якія праявілі нянавісць або варожасць да рускамоўнага насельніцтва.
Пра гэта журналістам паведаміў кіраўнік думскага камітэта па інфармацыйнай палітыцы, інфармацыйных тэхналогіях і сувязі, намеснік сакратара генеральнага савета «Адзінай Расіі» Аляксандр Хінштэйн.
У прыватнасці, гаворка ідзе пра людзей, якія «распальваюць нянавісць, варожасць, зневажаюць людзей па нацыянальнай, расавай, рэлігійнай, моўнай прыкмеце, абражаюць памяць абаронцаў Айчыны, зневажаюць гонар і годнасць ветэранаў Вялікай Айчыннай вайны».
Хінштэйн адзначыў, што ініцыятыва стала адказам на выпадкі праявы русафобіі на постсавецкай прасторы.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары