Былы амбасадар Ляшчэня сышоў са «Сходу», але з’язджаць з Беларусі не збіраецца
Ігар Ляшчэня публічна абвясціў, што сышоў з пасады старшыні «Сходу» і спыняе ўдзел у працы платформы, паколькі лічыць яе неэфектыўнай. З’язджаць з Беларусі былы дыпламат не плануе.
11 жніўня быў затрыманы і змешчаны ў ізалятар часовага ўтрымання былы амбасадар Беларусі ў Славакіі Ігар Ляшчэня. Пасля выбараў ён асудзіў гвалт у дачыненні да пратэстоўцаў, удзельнічаў у грамадскіх палітычных ініцыятывах. Праз тыдзень Ляшчэню вызвалілі, ён застаецца ў статусе падазраванага па крымінальнай справе (па якім артыкуле, публічна не паведамлялася).
Ігар Ляшчэня напісаў у сацсетках, што яшчэ два месяцы таму сышоў з кіраўніцтва платформы «Сход», учора ён зрабіў гэта афіцыйна.
«Сход» мог мець сэнс, як дзеючая ў прававым полі грамадзянская ініцыятыва для тых, хто знаходзіцца ў Беларусі, — патлумачыў Ляшчэня. — Многія вылучаліся ў дэлегаты, таму што паверылі, што гэта бяспечна і легальна. І сапраўды, «Сход» ніколі не заклікаў да арганізацыі і правядзення масавых мерапрыемстваў. Але ён хутка ператварыўся ў пустую балбатню. Да абмеркавання ў прыгожай вокладцы сталі прымацца дастаткова правакацыйныя ідэі. Мае спробы патлумачыць сэнс правакацый мелі частковы поспех, а прапанаваны механізм адфільтроўвання такіх тэм не быў прыняты».
Ляшчэня падкрэслівае, што не збіраецца з’язджаць з Беларусі. Зрэшты, пасля тыдня на Акрэсціна ў статусе падазраванага не факт, што ён легальна можа гэта зрабіць.
«Лічу, што не здзяйсняў ніякіх супрацьпраўных дзеянняў у межах «Сходу». Цяпер, калі я знаходжуся дома, няправільна лічыць мяне палітвязнем», — заявіў Ігар Ляшчэня.
-
Палітвязень Вацлаў Арэшка сустрэў за кратамі 71‑ы дзень нараджэння. Калядную паштоўку яму візуальна апісвалі іншыя
-
Святлана Ціханоўская паведаміла літоўскім парламентарыям пра рашэнне пераехаць у Польшчу
-
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы10
Каментары