Прышчэпленыя «Спутнікам» беларусы спрабавалі падкупіць украінскіх памежнікаў
Украінскія памежнікі не прапусцілі трох грамадзян Беларусі, якія паказалі сертыфікат аб прышчэпках вакцынай «Спутнік V» беларускай вытворчасці. А калі тыя паспрабавалі даць хабар, склалі на іх пратакол.
Напярэдадні вечарам у пункт пропуску «Сянькоўка» прыбылі трое грамадзян Беларусі, якія паказалі сертыфікаты аб вакцынацыі, піша РБК-Украіна.
«Падчас праверкі дакументаў памежнікі высветлілі, што дадзеная вакцына, «Спутнік V» беларускай вытворчасці, не ўключана ў пералік для выкарыстання ў экстранных сітуацыях Сусветнай арганізацыі аховы здароўя. Памежнікі адмовілі грамадзянам суседняй краіны ва ўездзе ва Украіну», — гаворыцца ў паведамленні.
Пры гэтым мужчына прапанаваў памежнікам 50 даляраў, каб яго з сям'ёй прапусцілі.
Грошы канфіскаваныя, а беларусаў не прапусцілі праз мяжу.
Беларусу пагражае вялікі штраф.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары