Беларусь пачне атрымліваць кампенсацыю за падатковы манеўр у Расіі з канца года
Беларусь пачне з канца гэтага года атрымліваць кампенсацыю выдаткаў у сувязі з рэалізацыяй у нафтавай сферы Расіі падатковага манеўру, заявіў пасол Беларусі ў Маскве Уладзімір Сямашка, піша Інтэрфакс.
«У наступным годзе, нават з канца гэтага года пачынаецца пэўная кампенсацыя», — заявіў Сямашка журналістам у Варонежы, каментуючы сітуацыю з перамовамі аб кампенсацыі страт беларускага боку.
Між тым пасол не стаў раскрываць сутнасць дамоўленасцяў з Расіяй у гэтай сферы. «З'явіцца дакумент — усё зразумееце. (…) Не буду пакуль казаць лішняга», — заявіў ён.
Пры гэтым, паводле яго слоў, механізм не прадугледжвае прадастаўлення беларускаму боку новых крэдытаў або міжбюджэтных трансфераў.
Мінск вёў перамовы з Масквой аб кампенсацыі страт з-за падатковага манеўру ў нафтавай галіне Расіі з 2018 года.
Цяпер чытаюць
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца1
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары