Сёння ў судзе Белгарада адбыўся суд па рашэнні на экстрадыцыю з Расіі берасцейца Вадзіма Дубойскага. Ён праходзіць па артыкуле аб масавых беспарадках у Беларусі.
У жніўні 2020-га Вадзім быў затрыманы сілавікамі і збіты. Яго выпусцілі праз суткі без якіх-небудзь дакументаў, ён трапіў у бальніцу. А пасля таго, як ён зняў пабоі, на яго завялі крымінальную справу па артыкуле 293 Крымінальнага кодэкса (удзел у масавых беспарадках), паведамляюць праваабаронцы.
Восенню Вадзім пакінуў Беларусь. На радзіме яму пагражае да 8 гадоў пазбаўлення волі.
Суд пастанавіў выдаць Вадзіма Беларусі. Расійскія праваабаронцы будуць рыхтаваць яго выпадак у Еўрапейскі суд па правах чалавека.
Раней Расія экстрадавала баксёра з Маладзечна Аляксея Кудзіна, які быў у вышуку за падзеі 9-10 жніўня 2020 года. Потым у Маладзечне яго асудзілі да трох гадоў калоніі.
Еўрапейскі суд па правах чалавека забараніў Расіі экстрадыцыю беларускага спартсмена, але гэта не паўплывала на сітуацыю.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары