Памёр польскі акцёр Веслаў Голас — Томэк з «Чатырох танкістаў і сабакі»
Акцёр памёр ва ўзросце 90 гадоў пасля другога інсульту, які перанёс на мінулым тыдні.
Голас нарадзіўся 9 кастрычніка 1930 года ў Кельцах. У школьныя гады ён стаў членам польскага супраціву і ў 14 гадоў быў арыштаваны гестапа.
Пасля вайны вучыўся ў тэатральнай акадэміі, а затым працаваў у Варшаўскім драматычным тэатры і Польскім тэатры.
У «Чатырох танкістах», культавым фільме, знятым у 1960-я, ён сыграў Томэка — другога стралка, памочніка галоўнага героя Янэка. Як вядома, асноўнай чацвёркай былі Янэк, Ольгерд, Гуслік і Грыгорый Саакашвілі. І пёс Шарык.
Каментары