У Беларусі ўводзяць абавязковае нашэнне масак у грамадскіх месцах
У Беларусі з 9 кастрычніка нашэнне масак і прытрымліванне дыстанцыі ў грамадскіх месцах стане абавязковым, у тым ліку для фізічных асоб, паведаміў журналістам намеснік міністра аховы здароўя — галоўны санітарны доктар Аляксандр Тарасенка.
З 9 кастрычніка грамадзяне абавязаныя насіць маскі і трымацца дыстанцыі ў крамах, аб'ектах грамадскага харчавання, бытавога абслугоўвання, пры наведванні тэатраў, кінатэатраў, культурна-масавых мерапрыемстваў, стадыёнаў, прадпрыемстваў, устаноў аховы здароўя, аптэк і іншых аб'ектаў.
Ва ўсіх рэгіёнах назіраецца неспрыяльная эпідэміялагічная сітуацыя па захваральнасці на новую каранавірусную інфекцыю. Змены ўступяць у сілу з 9 кастрычніка.
Адказнасць з 9 кастрычніка будзе ўскладзена і на грамадзян пры наведванні арганізацый, аб'ектаў, прадпрыемстваў. Выконваць правілы неабходна будзе і ў грамадскім транспарце ўсіх відаў, уключаючы таксі. У санітарных нормах і правілах таксама прапісана, як павінна насіцца маска: яна павінна засланяць нос, рот і падбародак.
Кантраляваць выкананне патрабаванняў будзе санітарна-эпідэміялагічная служба сумесна з МУС і Мінтрансам.
-
Хэдлайнерам канцэрта ў Мінску ў Дзень Перамогі стане Алег Газманаў
-
Палітвязня Уладзіміра Кнігу трэці раз будуць судзіць за «злоснае непадпарадкаванне» ў калоніі
-
Севярынец: Мы не павінны быць ружовымі поні і казаць, што мы будзем гладзіць па галаве тых самых кадэбістаў альбо спецназаўцаў, якія б’юць людзей
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца10
Каментары