Грамадства

Вясельнага фатографа асудзілі да трох гадоў калоніі за некалькі каментароў

12 кастрычніка суд Цэнтральнага раёна Мінска вынес прысуд 46-гадоваму вясельнаму фатографу Дзмітрыю Сончыку. Суддзя Дзмітрый Карсюк прызнаў яго вінаватым паводле арт. 364 і арт. 369 і асудзіў да трох гадоў калоніі па сукупнасці пакаранняў шляхам паглынання менш строгага тэрміна больш строгім: два гады «хатняй хіміі» паводле арт. 369 КК і тры гады пазбаўлення волі ў калоніі паводле арт. 364 КК.

Таксама Сончык мусіць выплаціць двум пацярпелым па тры тысячы рублёў маральнай шкоды, 174 рублі дзяржпошліны, як паведамляюць праваабаронцы.

Бок дзяржабвінавачання падтрымаў пракурор Арцём Цвяткоў. Сончык адмовіўся ад абароны.

Сончык быў затрыманы 28 чэрвеня 2021 года, з таго моманту знаходзіўся пад вартай.

Паводле абвінавачання, ён абразіў чатырох чалавек і выказаў пагрозу жыццю ў каментарах у адным з тэлеграм-каналаў цягам 2020-2021 гадоў. Пацярпелыя — А. Пераходзька з Івацэвіцкага РАУС, начальнік Нясвіжскага РАУС А. Грынкевіч, старшы лейтэнант Нясвіжскага РАУС Р. Праневіч і супрацоўнік ГУБАЗіКа А. Алёкса — яны не з'явіліся на пасяджэнне.

Пагрозы выклікалі ў пацярпелых страх за жыццё і здароўе і паўплывалі на іх псіхічны стан: яны ўспрымалі пагрозы як рэальныя. Пераходзька і Праневіч падалі пазоў на задавальненне маральнай шкоды ў памеры 3000 рублёў кожнаму.

Сончык цалкам прызнаў віну і адмовіўся ад дачы паказанняў на пасяджэнні.

На судзе зачыталі ягоныя паказанні падчас папярэдняга следства. Тады ён тлумачыў, што пісаў каментары праз эмоцыі, пасля прагляду відэа збіцця і затрыманняў, абураны неправамернымі дзеяннямі супрацоўнікаў. Але падкрэсліў, што не збіраўся ажыццяўляць пагрозы.

Агалошванне матэрыялаў справы праходзіла ў закрытым рэжыме праз тое, што суполкі, дзе яны распаўсюджваліся, прызнаныя экстрэмісцкімі. 

Падчас спрэчак Арцём Цвяткоў запрасіў для Сончыка тры гады пазбаўлення волі ў калоніі агульнага рэжыму па сукупнасці пакаранняў шляхам паглынання менш строгага тэрміна больш строгім.

У апошнім слове адзінае, што сказаў Сончык, — павіншаваў сястру і маці, якія знаходзіліся ў судовай зале, з надыходзячым Днём маці. Увесь час ён знаходзіўся за кратамі ў кайданках.

За год — 22 справы. Што вядома пра маладога пракурора Цвяткова, які робіць кар'еру на палітычных судах 

Каментары

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць