«Газэта Выборча» сцвярджае, што гэта ахвяры бальшавікоў.
Сёння ў «Gazeta Wyborcza» выйшаў матэрыял Андрэя Пачобута пад назвай «Nieznane groby NKWD».
Аўтар піша пра парэшткі людзей, знойдзеныя на мінулым тыдні ў сутарэннях глыбоцкага сабора Раства Багародзіцы. Журналіст выказвае здагадку, што гэта расстраляныя органамі НКУС грамадзяне польскай дзяржавы. Ён звязвае трагедыю з усталяваннем савецкай улады на далучаных у 1939 г. да БССР тэрыторыях Заходняй Беларусі.
Настаяцель царквы Раства Багародзіцы айцец Сергій Грамыка паведаміў нашаму выданню, што гільзаў побач з касцямі не было. Яго абвяргае мясцовы актывіст руху «За свабоду» Яраслаў Берніковіч. Ён кажа пра гільзы ад пісталету наган, хоць знойдзеныя чарапы прастрэленымі і не былі. Пры масавых забойствах, кажа Берніковіч, не цэлілі ў галовы, а стралялі неразборліва.
«На плошчы за 50 метраў ад сабора бальшавікі ў 1939 годзе зрабілі суд. Таму, верагодна, людзей расстрэльвалі ў сутарэннях царквы. І стрэлаў не было чуваць», — адзначае дэмактывіст.
Пракуратурай Глыбокага праводзіцца следства. Але чалавечыя косці ўжо перазахавалі ў тых самых сутарэннях. У пракуратуры пакуль адзназначна сказаць не могуць, ад чыіх рук загінулі людзі. З вывадамі там не спяшаюцца. Адна з найбольш верагодных версій, што гэта ахвяры нацыстаў.
У прэс‑службе пасольства Польшчы ў Беларусі паведамілі, што яны сочаць за развіццём падзей вакол знойдзеных парэшткаў. І не выключана, што польскія дыпламаты будуць настойваць на правядзенні эксгумацыі.
Нагадаем, што падчас чысткі сутарэнняў сабора ў Глыбокім былі знойдзеныя чалавечыя косці. Агульную колькасць іх не падлічвалі. Але гэта не менш за 20 чалавек.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары