Выстаўленыя на продаж дзве тыяры (кароны), што раней, як лічыцца, належалі Жазэфіне Банапарт — першай жонцы французскага імператара Напалеона. Чакаюць, што выніковы кошт абедзвюх тыяр можа скласці да паўмільёна фунтаў стэрлінгаў (682 тысячы даляраў).
Абедзве тыяры зробленыя з золата. На адной з іх ёсць блакітныя эмалевыя элементы і чырвона-карычневыя гравіроўкі з класічнымі партрэтамі. Разам з дыядэмай на аўкцыёне можна будзе набыць завушніцы, спражку для пояса і грэбень. Усе гэтыя прадметы ўваходзяць у адзін ювелірны камплект з тыярай, тлумачыць CNN.
На другой тыяры таксама ёсць эмалевыя ўпрыгожанні. Ювелір размясціў на гэтай дыядэме выразаныя з агату і яшмы партрэты старажытных грэчаскіх багоў — тут можна пабачыць Зеўса, Дыяніса і Гею, а таксама партрэты міфічных істот Медузы і Пана. Лонданскі музей Вікторыі і Альберта, дзе раней часова выстаўлялася тыяра, сцвярджае, што яна магла быць падарункам ад сястры Напалеона Караліны Банапарт.
Продаж тыяр пройдзе на пляцоўцы аўкцыённага дома Sotheby's у наступным месяцы. Перад гэтым на працягу 150 гадоў яны знаходзіліся ў прыватнай калекцыі.
Гісторыя Жазэфіны Банапарт, таксама вядомай як Жазэфіна Багарнэ, у апошні час набірае папулярнасць. Любоўныя лісты Напалеона да яе выдаюць як кнігу і прадаюць на аўкцыёнах. Саму ж імператрыцу лічаць разумнай спакусніцай, што здолела адмовіцца ад свайго шлюбу, калі аказалася, што яна і Напалеон не здольныя разам даць жыццё наследніку трона.
Lego выпусціла канструктар — дакладную копію асабняка з фільма «Адзін дома»
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд33
Каментары