Год таму ў гэты дзень мы не дапускалі і думкі, што праз год «Наша Ніва» будзе выгнаная з Беларусі, а ранейшыя рэдактары — Ягор Марціновіч і Андрэй Скурко — апынуцца ў турме.
Давайце паставім пытанне: а што будзе яшчэ праз год, калі за мінулыя 12 месяцаў змянілася так шмат? І якія задачы стаяць сёння перад намі, якія воляю лёсу робяць найстарэйшае нацыянальнае выданне ў новых умовах, і перад грамадствам? Што галоўнае на сёння?
Галоўнае, на нашу думку, — каб адбылася дээскалацыя сітуацыі, каб у Беларусі спыніліся рэпрэсіі і пачаўся дыялог. 116-ы год свайго існавання «Наша Ніва» будзе працаваць для гэтага.
«Мы будзем старацца, каб усе беларусы, што не ведаюць, хто яны ёсць, — зразумелі, што яны беларусы і людзі, каб пазналі сваё права і памаглі нам у нашай рабоце», — пісалі 115 гадоў у першым нумары новай газеты яе стваральнікі. «Праціўніка трэба ўспрымаць не як ворага, а як настаўніка», — напісаў з-за кратаў Андрэй Скурко.
Мы будзем працаваць, каб «Наша Ніва» заставалася пляцоўкай для дыялогу, сутыкнення думак, дыскусій. Хай іх будзе больш.
Чытаць НН можна:
У Тэлеграме — маем там на сёння 74 219 падпісчыкаў,
У Інстаграме — маем там на сёння 47 800 падпісчыкаў,
У Фэйсбуку — маем там на сёння 20 825 падпісчыкаў,
Вконтакте — маем там на сёння 18 800 падпісчыкаў,
У Твітары — маем там на сёння 18 500 падпісчыкаў,
А глядзець на канале ў Ютубе — маем там на сёння 30 400 падпісчыкаў.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары