«Ішоў забіраць дачку з садка». За што затрымалі салігорскага актывіста Паўла Батуева?
Учора, 23 лістапада, быў затрыманы салігорскі актывіст Павел Батуеў. Даведаліся падрабязнасці.
Паўла затрымалі, калі ён ішоў забіраць дачку з садка. Яго жонка ў той момант была з сынам у бацькоў. Ператрус правялі спачатку ў бацькоўскай кватэры, пасля ў ягонай.
Забралі ноўтбук, узмацняльнік вай-фаю, жончыны тэлефон і флэшку, значок і нашыўку з «Пагоняй», два старыя нататнікі.
Родным сказалі, што да Паўла прыйшлі па артыкуле за абразу.
Справай актывіста займаюцца не мясцовыя сілавікі, а супрацоўнікі з Мінска.
Каментары