Беларусь ва ўмовах заходніх санкцый плануе рэалізаваць праекты ў сферы імпартазамяшчэння на $9 мільярдаў. Пра гэта паведаміў журналістам у аўторак міністр эканомікі краіны Аляксандр Чарвякоў, піша ТАСС.
«На сённяшні дзень ужо прапанавана каля 170 імпартазамяшчальных праектаў на агульную суму каля 13 млрд рублёў (каля $5,1 млрд) інвестыцый. З гэтага пула праектаў мы выбралі найбольш значных 47 [праектаў] з аб'ёмам інвестыцый каля 8 млрд рублёў (каля $ 3,1). Гэтыя 47 праектаў дазволяць нам стварыць прадукцыі больш чым на $9 млрд імпартазамяшчэння», — адзначыў кіраўнік Мінэканомікі.
Паводле яго слоў, краіна ў 2021 годзе сутыкнулася «з беспрэцэдэнтнымі выклікамі» — гэта пандэмія і санкцыі, якія абвешчаныя ў дачыненні да Беларусі.
«У гэтых умовах, калі нам забараняюць свабодна гандляваць на рынках, прымусова разрываюць сувязі, мы павінны шукаць тыя меры, якія дазваляюць нівеляваць выдаткі», — сказаў Чарвякоў.
Асаблівую значнасць, па яго словах, набывае ў гэтых абставінах «імпартазамяшчэнне як інструмент процідзеяння санкцыям».
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны15
Каментары