Першы афіцыйны матч Віктара Ганчарэнкі на чале зборнай Беларусі аказаўся няўдалым. Гульню 1‑га тура ў Лізе C, якая прайшла на стадыёне «Эйр Албанія» ў Тыране, з лікам 2:0 упэўнена выйгралі гаспадары.
Албанцы адкрылі лік на 34‑й хвіліне. Паўабаронца Крысьціян Аслані пасля фолу Арцёма Канцавога рэалізаваў пенальці. А ўжо ў кампенсаваны да першага тайма час, на 45+ 2‑й хвіліне, нападаючы Эрнэст Мучы забіў другі гол Албаніі.
Гэты матч стаў першай афіцыйнай гульнёй Віктара Ганчарэнкі на пасадзе галоўнага трэнера зборнай Беларусі. Да гэтага каманда пад яго кіраўніцтвам правяла чатыры таварыскія матчы, у якіх атрымала тры перамогі і адзін раз згуляла ўнічыю.
Увогуле ж гэта ўжо чацвёртая запар параза Беларусі ад Албаніі ў афіцыйных матчах. Апошні раз беларусы перамагалі гэтага суперніка ў 2010 годзе ў адборы на Еўра-2012 (2:0).
У другім туры, які адбудзецца 29 верасня, Албанія згуляе з Сан-Марына, а Беларусь сустрэнецца з Фінляндыяй. Сёння ж фіны разграмілі сан-марынцаў на іх полі з лікам 0:7.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
Немагчыма выйграць, калі 2 разы трапілі у браму. Але з Сан-Марына пазмагаюцца за выхад з групы ў ніжэйшы дывізіён.