Паводле прагнозу МВФ, рост беларускай эканомікі ў 2022 годзе замарудзіцца да 0,5 працэнта, у тым ліку пад уплывам заходніх санкцый.
Заходнія санкцыі падрываюць эканоміку Беларусі і абмяжоўваюць яе фінансавыя магчымасці. Пра гэта паведаміў Міжнародны валютны фонд (МВФ) у панядзелак, парэкамендаваўшы Мінску зрэзаць бюджэтныя выдаткі для скарачэння запазычанняў у замежнай валюце, піша Deutsche Welle.
«Хоць улады могуць працягваць пазычаць сродкі на іншых рынках, ва ўстановах і краінах, далейшае скарачэнне бюджэтнага дэфіцыту ў 2023 годзе паменшыла б неабходнасць у выпуску новых даўгавых абавязацельстваў, — гаворыцца ў заяве МВФ па выніках кансультацый з беларускімі ўладамі.
Згодна з прагнозам экспертаў МВФ, эканоміка Беларусі вырасце прыкладна на 2 працэнты па выніках гэтага года, пры гэтым інфляцыя складзе каля 10 працэнтаў з прычыны абясцэньвання валюты і павышэння сусветных цэн на сыравінныя тавары.
У 2022 годзе рост ВУП краіны, як чакаецца, складзе толькі 0,5 працэнта, бо эканамічную актыўнасць «стрымліваюць наступствы пандэміі COVID-19, абмежаваная прастору для стымулаў і ўплыў знешніх санкцый».
«Наступны год можа стаць крызісным». Як старыя і новыя санкцыі паўплываюць на беларускую эканоміку і ці змогуць іх абысці?
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары