У некалькіх еўрапейскіх краінах напярэдадні Калядаў на фоне распаўсюджвання новага штаму «амікрон» пабілі рэкорды па колькасці выпадкаў заражэння кавідам за суткі. У СААЗ чакаюць, што ў наступныя тыдні «амікрон» выцесніць іншыя варыянты
Шэраг еўрапейскіх краін перад Калядамі зарэгістравалі рэкорды па колькасці заражэнняў каранавірусам за суткі, паведаміў Reuters.
У Вялікабрытаніі 24 снежня паведамілі пра 122,1 тыс.новых выпадкаў заражэння. За апошні тыдзень у краіне выявілі 707,3 тыс. інфікаваных, што на 230 тыс., ці амаль у паўтара раза больш, чым тыднем раней.
Паказчык пабіў максімум таксама ў Францыі і Італіі 94,1 тыс.і 50,5 тыс. выпадкаў за суткі адпаведна.
Рэкорды фіксуюцца на фоне распаўсюду новага штаму «амікрон». Да прыкладу, у Ірландыі, у якой таксама пабіты максімум (11,1 тыс.), з гэтым варыянтам звязаныя больш за тры чвэрці новых выпадкаў
Пры гэтым у Італіі лічаць, што пік хвалі COVID-19 яшчэ не дасягнуты.
«У студзені будзе вельмі моцны рост захворвання», - прыводзіць Corriere della Sera словы навуковага дарадцы міністра аховы здароўя Вальтэра Рыкардзі.
У Сусветнай арганізацыі аховы здароўя (СААЗ) таксама прагназуюць, што ў наступныя тыдні амікрон-штам выцесніць іншыя варыянты каранавіруса, што выкліча «значны ўсплёск» колькасці новых пацыентаў. У Еўропе гэтую мутацыю выявілі ў 38 з 53 краін, якія курыруюцца Еўрапейскім падраздзяленнем СААЗ. Яна ўжо дамінуе ў Вялікабрытаніі, Даніі і Партугаліі.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»13
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары