На мяжы студзеня і лютага чакаецца ўсплёск захворвання на каранавірус
Лекар-інфекцыяніст Юрый Горбіч расказаў пра бягучую эпідэміялагічную сітуацыю ў эфіры «Беларусь 1».
Паводле спецыяліста, пачынаючы дзесьці з 20-х чыслаў студзеня і заканчваючы першымі дзесяццю днямі лютага магчымы даволі высокі рост захворвання COVID-19 на фоне зніжэння захворвання на грып.
Горбіч прагназуе, што дастаткова доўгі час «дэльта» і «амікрон» будуць хадзіць паралельна, але потым «амікрон» выцесніць «канкурэнта». Выпадкаў «амікрона» ўжо дастаткова шмат, хварэюць на яго і дзеці. «Амікрон» у пяць разоў больш заразны, чым «Дэльта», і ягоная асаблівасць у тым, што гэты штам закранае і дзяцей: яны не толькі пераносяць хваробу, але і самі хварэюць.
Сітуацыю з каронавірусам у Беларусі лекар акрэсліў як «адчувальную», бо хворымі занятыя і неінфекцыйныя аддзяленні.
Каментары