Дзесяць самалётаў з беларускімі міратворцамі пакінулі Казахстан
Беларускія падраздзяленні Калектыўных міратворчых сіл Арганізацыі Дагавора аб калектыўнай бяспецы, якія выконвалі задачы па ахове сацыяльна значных аб'ектаў у Казахстане, вылецелі ў Мінскую вобласць на самалётах ваенных сіл Расіі.
![](http://nashaniva.com/img/w732d4webp1/photos/z_2022_01/z0iai9kb20jvi9p4i1fzstp4fu0ejg5q-cwibf.png.webp)
Беларускія вайскоўцы бралі ўдзел у ахове стратэгічна важных аб'ектаў. Фота Мінабароны.
«Дзесяць самалётаў з міратворцамі АДКБ Рэспублікі Беларусь, завяршыўшы пагрузку, вылецелі з аэрадрома Жытыген у Мінскую вобласць», — гаворыцца ў паведамленні расійскага ваеннага ведамства.
13 студзеня пачаўся вывад войскаў АДКБ — Беларусі, Расіі, Арменіі, Кыргызстана і Таджыкістана — з Казахстана, дзе яны дапамагалі ў аднаўленні парадку. Урачыстая цырымонія провадаў адбылася ў Алматы.
Каментары