Лукашэнка пра прыняцце новай Канстытуцыі: Калі ўжо шчыра, то мне гэты працэс абсалютна не патрэбны
«Далей два варыянты: ці народ прымае змены да гэтай Канстытуцыі, і ў нас з'яўляецца абноўленая Канстытуцыя, ці ён адхіляе гэтыя прапановы, і ў нас застаецца старая Канстытуцыя. У гэтым увесь адказ на пытанне, каму гэта выгадна і каму гэта трэба», — сказаў Лукашэнка на нарадзе, прысвечанай абмеркаванню праекта змяненняў Канстытуцыі.
Аляксандр Лукашэнка заўважыў, што часам можна чуць заявы аб тым, што «гэта трэба толькі Лукашэнку».
«Калі ўжо шчыра, то мне гэты працэс абсалютна не патрэбны. У мяне, як вы бачыце, ёсць маса пытанняў, ёсць чым займацца.
Прабачце за нясціпласць, часам іх настолькі шмат, што нават пасядзець дзесьці дома, перахварэць і так далей няма магчымасці, — сказаў ён — Не могуць вярнуцца мае сыны, мае хлопцы, больш за 200 чалавек… я іх не магу не сустрэць у аэрапорце (размова пра сустрэчу войскаў, якія вярнуліся з Казахстана), і даручыць нікому гэта не магу», — сказаў Лукашэнка.
«Таму не трэба тут замыкацца на Лукашэнку. Лукашэнка сваё зрабіў. Засталося асноўнае — прыняць Канстытуцыю, змяніць законы, прывесці ў адпаведнасць з Канстытуцыяй. Гэта мы зробім, гэта не праблема, — заявіў Лукашэнка. —
Калі мы гэта ўсё зробім, устаканім, дашліфуем, калі гэта трэба будзе, тады, калі ласка, прыходзьце, будзем фармаваць новыя органы ўлады і жыць далей па новых законах і новых правілах».
Разам з гэтым Лукашэнка звярнуў увагу, што ні ў Канстытуцыі, ні ў законах усё не прапішаш.
«Канстытуцыя, законы, лад жыцця, вопыт многіх пакаленняў — яны фармуюць менталітэт, характар народа. І гэта галоўнае. Бо мы з вамі, звычайныя людзі, 90% жывуць жа не таму, што яны вывучылі Канстытуцыю і ведаюць законы. Яны выразна разумеюць, што можна, а што нельга, што дрэнна, а што добра. І гэта фармуецца дзесяцігоддзямі і стагоддзямі. І гэта галоўнае для любой дзяржавы, любой краіны і народа», — упэўнены ён.
«Лукашэнка будзе думаць аб тым, што рабіць з новай канфігурацыяй улады, калі пабудуе яе». Highlights з інтэрв’ю Арцёма Шрайбмана
«Не думаю, што ў Маскве моцна абрадуюцца гэтаму праекту». Эксперты і каментатары — пра новаўвядзенні ў Канстытуцыю
«Можаш перадаць уладу надзейнаму чалавеку, і гэта не выключае, што цябе нехта падседзіць». Як падзеі ў Казахстане паўплываюць на Лукашэнку
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны16
Каментары