На наступным тыдні ў Дзярждуме пройдуць кансультацыі з кіраўнікамі фракцый па праекце КПРФ аб звароце да Уладзіміра Пуціна аб прызнанні незалежнасці сепаратысцкіх рэспублік на ўсходзе Украіны. Потым дакумент разгледзіць Савет Думы. Пра гэта паведаміў у сваім тэлеграм-канале старшыня Дзярждумы Вячаслаў Валодзін.
Паводле слоў спікера Дзярждумы, «мы бачым ігнараванне Мінскіх пагадненняў прэзідэнтам Зяленскім. НАТА хоча акупаваць Украіну. І адно, і другое можа абярнуцца трагедыяй. Мы не павінны гэтага дапусціць». А таму, маўляў, трэба шукаць спосаб абараніць суайчыннікаў у самаабвешчаных ЛНР і ДНР.
У сераду дэпутаты з фракцыі КПРФ унеслі ў Дзярждуму праект пастановы, у якім прапануюць афіцыйна звярнуцца да Пуціна з просьбай прызнаць незалежнасць ЛНР і ДНР.
У Расіі, як і ў Беларусі, заканадаўчая ўлада кантралюецца выканаўчай, таму само па сабе тое, што адбываецца ў Думе, не мае вырашальнага значэння. Якое б рашэнне ні прыняў парламент, вырашаць будзе Пуцін і яго атачэнне.
Але паколькі зварот да Пуціна зроблены на фоне беспрэцэдэнтнага абвастрэння сітуацыі на мяжы Расіі і Украіны, то выключаць таго, што ў пэўнай сітуацыі расійскае кіраўніцтва можа на гэта пайсці, не выпадае. Прэцэдэнты ў ранейшай гісторыі ўжо былі.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы79
Каментары