Дзесяткі дзяўчатак у касцюмах пчолкі Маі, імпэтна махаючы шарыкамі, стройным шыхтам прайшліся па мінскім праспекце Незалежнасці і вуліцы Казлова з зухаватымі рэчоўкамі: «Раз, два, тры, чатыры пяць, пачынаем здабываць!». Ля ўваходу ў Палац Мастацтваў у забралах (пэўна, сімвалізуючы абароненых пчаляроў), самавіта таўкліся сярэдневечныя рыцары, а ў сярэдзіне будынку хор у чорнай царскай форме спяваў пра ямшчыка і патрэбу казака ў добрых конях. Гэтак сёння ў Мінску пачаўся кірмаш «Свет мёду і здароўя».
Няма чаго казаць — мёд быў усялякі-розны: кіпрэевы, абляпіхавы, яваравы і ядлаўцовы. Акрамя мёду беларускія і расійскія манастыры прапанавалі іншую пчалярскую прадукцыю: воск, праполіс і лекі для суставаў. Да мядовай тэматыкі прымазаліся гандляры ювелірнымі аздобамі з нагэтулькі падобнага да застылага мёду бурштыну, а таксама зусім ужо не датычныя да мёду гандляры летнімі сукнямі. Побач стаялі стэнды «Белая Русь — сястра Сербіі», якія распавядалі пра парушаныя бамбардаваннем НАТО сербскія цэрквы. Бабулі, асноўныя наведніцы кірамаша, спраўна дзяліліся адна з адной сваімі рэцэптамі самаробных лекаў з мёду.
Кірмаш «Свет мёду і здароўя» працягнецца да 16 жніўня, то бок таксама прыпадзе на Мядовы Спас, які праваслаўныя святкуюць 14 жніўня.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах9
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння22
Каментары