Магчымы разрыў адносін не ў інтарэсах Масквы або самога Захаду, заявіў кіраўнік МЗС Расіі Сяргей Лаўроў у інтэрв'ю расійскім журналістам. Аднак ён магчымы ў тым выпадку, калі супраць Расіі будзе прыняты самы жорсткі санкцыйны пакет, які ўключае адключэнне ад сістэмы SWIFT, заявіў Лаўроў.
«Што тычыцца пагроз увядзення санкцый, амерыканцам сказана было, што вось той пакет, які суправаджаецца поўным адключэннем ад фінансава-эканамічных сістэм, якія кантралююцца Захадам, будзе эквівалентны разрыву стасункаў. Не думаю, што гэта у чыіх-небудзь інтарэсах», — цытуе кіраўніка МЗС Расіі РБК.
Пры гэтым ён падкрэсліў, што правал перамоваў прывядзе да «мераў у адказ». «Калі нашы спробы дамовіцца аб узаемапрымальных прынцыпах гарантавання бяспекі ў Еўропе не дадуць выніку, тады мы будзем прымаць меры ў адказ», — сказаў ён.
Лаўроў нагадаў пра словы Уладзіміра Пуціна аб тым, што гэтыя меры могуць быць самымі рознымі, і аб тым, што прэзідэнт паабяцаў прымаць рашэнні, зыходзячы з прапаноў, якія прадставяць ваенныя.
Адключэнне Расіі ад сістэмы міжбанкаўскага абмену інфармацыяй SWIFT прадугледжвалася ў самых жорсткіх варыянтах санкцый, якія Захад пагражае ўвесці ў выпадку разрыву стасункаў з Расіяй. Яно было прапісанае ў Сенацкім законапраекце дэмакратаў, законапраекце рэспубліканца Марка Рубіа і іншых. Пакуль ні адзін з іх не выйшаў на этап разгляду палатамі Кангрэса ЗША.
Чытайце таксама:
ЗША прыгразілі «так ці інакш» спыніць Nord Stream 2 з-за Украіны
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары