У ЕАЭС думаюць, каб самім адмовіцца ад SWIFT, не чакаючы заходніх санкцый
Беларусь, Расія, Казахстан, Арменія і Кыргызстан, якія ўваходзяць у Еўразійскі эканамічны саюз, маюць намер знізіць далрызацыю разлікаў ва ўзаемным гандлі, а таксама думаюць над тым, каб адысці ад выкарыстання сістэмы SWIFT. Пра гэта заявіла афіцыйная прадстаўніца Еўразійскай эканамічнай камісіі Ія Малкіна, піша zerkalo.io.
«Ва ўнутраных узаемных разліках краін ЕАЭС плацяжы ў нацыянальных валютах паступова павялічваюцца — з 63% у 2013-м да 74%, па апошніх справаздачных дадзеных. Пры гэтым доля даляра знізілася з 30% у 2013 годзе да 20%. Гэта наўпрост спрыяе зніжэнню нашай залежнасці ад глабальных плацежных сістэм»,
— паведаміла Ія Малкіна.
Яна таксама ўдакладніла, што адзін з прыярытэтаў у ЕАЭС — «далейшае павышэнне ролі нацыянальных валют ва ўзаемных разліках». А таксама
«для скарачэння тэрмінаў разліковых аперацый у нацыянальных валютах, а таксама зніжэння транзакцыйных выдаткаў неабходна прапрацаваць пытанне аб выключэнні замежных банкаў-карэспандэнтаў з маршрутызацыі і правядзення плацяжоў, выключаючы выкарыстанне сістэмы SWIFT».
Тое, што Беларусь і Расію могуць адключыць ад SWIFT у рамках заходніх санкцый, яна не выключыла, але адзначыла, што «відавочна, што абмежаванні ў цэлым ўдараць па сусветнай эканоміцы».
Раней беларускія банкі падключыліся да расійскай сістэмы перадачы фінансавых паведамленняў (СПФС). Гэта альтэрнатыва SWIFT — міжнароднай сістэме міжбанкаўскіх плацяжоў, якая дазваляе хутка і абаронена здзяйсняць пераводы ў большасць краін свету.
Чытайце таксама:
Заходнія СМІ: ЗША і Еўропа не адключаць Расію ад SWIFT, нават калі яна нападзе на Украіну
Беларускія банкі падключыліся да расійскага аналага SWIFT. Цяпер ім ніякія санкцыі не страшныя?
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек15
Каментары