Адразу некалькі аўтамабіляў сутыкнуліся на МКАД, адзін зляцеў у кювет
Здарэнне адбылося каля 14-й гадзіны, і яго ўдзельнікамі сталі адразу пяць аўтамабіляў. Але абышлося без ахвяраў, паведамляе мінская ДАІ.
Сёння прыкладна ў 13 гадзін 50 хвілін 23-гадовы мужчына на аўтамабілі «Фольксваген», рухаючыся па МКАД з боку вуліцы Кіжаватава ў напрамку вуліцы Казінца, пры перастройванні стварыў аварыйную сітуацыю кіроўцу «Пежо 408».
Той, спрабуючы пазбегнуць сутыкнення, прыняў налева і зачапіў спадарожны аўтамабіль «Сітраен».
У гэты час кіроўца аўтамабіля «Пежо 807» не паспеў зрэагаваць і заехаў у «Пежо 408», які спыніўся.
Праз некалькі хвілін тут жа кіроўца аўтамабіля «Таёта» не справіўся з кіраваннем, пратараніў дарожны знак і апынуўся ў кювеце.
На шчасце, у гэтым ДТЗ са шматлікімі ўдзельнікамі ніхто не пацярпеў.
Каментары