Выдавецтва «Янушкевіч» абвясціла пра старт продажаў галоўнага рамана Айн Рэнд «Атлант расправіў плечы» ў перакладзе на беларускую мову. Гэта грунтоўнае выданне больш як на 1200 старонак у цвёрдай вокладцы, піша bellit.info.
«Атлант расправіў плечы» Айн Рэнд — маштабны раман-антыўтопія і маніфест рацыянальнага эгаізму. Дзеянне адбываецца ў ЗША, дзе ўрад знішчае свабодны рынак і прыгнятае таленавітых творцаў. У цэнтры сюжэту — Дагні Тагерт і Хэнк Рыярдан, якія спрабуюць выратаваць свае прадпрыемствы ад непазбежнага краху.
Свет трымаецца на розуме і энергіі нешматлікіх рухавікоў прагрэсу — «атлантаў». Калі яны спыняюць працу з-за сацыялістычнага ціску, цывілізацыя разбураецца. Твор раскрывае філасофію аб’ектывізму, дзе найвышэйшымі каштоўнасцямі з’яўляюцца розум, асабістае шчасце і прадуктыўная праца.
Таямнічы Джон Голт арганізуе страйк найлепшых розумаў чалавецтва, каб даказаць: без творцаў паразітычнае грамадства загіне. Раман Айн Рэнд прымушае задумацца пра ролю асобы ў гісторыі, межы дзяржаўнага кантролю і маральнае права чалавека жыць дзеля самога сябе, гаворыцца ў анатацыі.
Кнігу можна набыць праз сайт выдавецтва Knihauka.com, а таксама ў кнігарні ў Варшаве.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе55
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе5
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары
У арыгінале - Atlas shrugged - што даслоўна перакладаецца Атлант паціснуў плячыма.