Пакуль украінскі народ аплаквае забітых на вайне людзей, дэпутат Палаты прадстаўнікоў, старшыня Пастаяннай камісіі па міжнародных справах Андрэй Савіных выкладвае ў фэйсбук пазітыўныя фота з пазнакай «у святочным настроі».
«Сёння прагаласаваў на рэферэндуме, — піша Андрэй Савіных. — Хочацца падкрэсліць — у школе пануе ўрачыстая і святочная атмасфера. Дзеці выступаюць у фае, чытаюць вершы. Відаць, што для іх гэта важна. Перш за ўсё для іх, не для нас. Нам гэта проста прыемна. Усё выдатна арганізавана. Я думаю, што нам трэба перагледзець практыку галасавання ў адзін дзень, хай будзе некалькі дзён. Гэта зручна для выбаршчыкаў».
У каментарах у Савіных пытаюцца: як вам быць саўдзельнікам вайны?
«Час усё расставіць па сваіх месцах. Старайцеся не спяшацца з ацэнкамі, потым апынецца, што казалі глупства», — быў адказ дэпутата.
Ад пачатку вайны ва Украіне дэпутат не зрабіў аніводнага допісу з нагоды ўварвання Расіі. Не каментаваў ён і заявы ўкраінскага боку.
Трэці дзень вайны ва Украіне АНЛАЙН
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі5
Каментары