Шайгу: Армія Расіі працягне спецаперацыю ва Украіне да дасягнення пастаўленых мэтаў
Абарона Расіі ад ваеннай пагрозы з боку Захаду з'яўляецца галоўнай задачай «спецыяльнай аперацыі ва Украіне», заявіў міністр абароны Расіі Сяргей Шайгу.
«Групоўка Узброеных сіл Расійскай Федэрацыі працягне правядзенне спецыяльнай ваеннай аперацыі да дасягнення пастаўленых мэтаў, — сказаў Шайгу. — Галоўнае для нас — абараніць Расійскую Федэрацыю ад ваеннай пагрозы, створанай краінамі Захаду, якія спрабуюць выкарыстоўваць украінскі народ у барацьбе супраць нашай краіны».
Ён абвінаваціў Кіеў у тым, што ўкраінская армія выкарыстоўвае «мірных грамадзян у якасці жывога шчыта», размяшчаючы рэактыўныя сістэмы залпавага агню, прылады і буйнакаліберныя мінамёты ў дварах жылых дамоў, паблізу школ і дзіцячых садоў.
Ён таксама запэўніў, што расійскі бок наносіць ўдары «толькі па ваенных аб'ектах і выключна высокадакладнай зброяй».
Каментары