«Яндэкс.Музыка» і «VK Музыка» не могуць дадаць у каталогі навінкі заходняй музыкі
Пра цяжкасці з загрузкай заходняй музыкі ў расійскія каталогі піша РБК са спасылкай на прадстаўнікоў сэрвісаў.
Якія менавіта трэкі цяпер недаступныя карыстальнікам, кампаніі не ўдакладняюць, адзначаючы толькі, што «аб абмежаваннях працы ў Расіі ў той ці іншай меры публічна заяўлялі Universal, Warner і Sony Music».
Са значных музычных рэлізаў мінулага тыдня ў бібліятэках «Яндэкс.Музыкі» і Укантакце адсутнічае, у прыватнасці, сінгл Rammstein «Zeit».
Пры гэтым раней дададзеныя ў бібліятэкі стрымінгаў трэкі пакуль застаюцца: рашэнні аб выдаленні з каталогаў носяць адзінкавы характар і прымаюцца, як правіла, самімі артыстамі.
Каментары