З 18 сакавіка будуць знятыя ўсе абмежаванні для грамадзян Беларусі і Расіі для перамяшчэння паміж краінамі. Гэта добрая навіна не толькі для тых, каму трэба ў Расію, але і для тых, хто хоча выехаць у ЕС. Але ёсць абмежаванні.
Праз абмежаванні, уведзеныя з 21 снежня 2020 года і матываваныя каранавірусам, большасць беларусаў фактычна не мае права выехаць з краіны ў ЕС. Аднак зняцце забароны на свабоднае перамяшчэнне паміж Беларуссю і Расіяй значна спрашчае шлях у Еўропу.
Калі свабодна трапіць у Расію, з’яўляецца магчымасць выехаць у ЕС праз Латвію ці Эстонію.
Для ўезду ў Латвію спатрэбіцца еўрапейскі сертыфікат аб вакцынацыі. Прышчэпкі, зробленыя ў Беларусі, для гэтай краіны не падыходзяць.
Іншы шлях трапіць у Латвію — мець пры сабе ПЛР-тэст, не старэйшы за 72 гадзіны, або тэст на антыген, не старэйшы за 48 гадзін. Ад тэстаў вызваленыя дзеці да 12 гадоў.
Падрабязней пра правілы ўезду ў Латвію можна прачытаць тут.
Эстонія мае больш прыязныя ўмовы ўезду для вакцынаваных, бо апроч еўрапейскіх, прымае усе вакцыны, ухваленыя краінай, з якой заязджае турыст. Такім чынам, нават з беларускім сертыфікатам аб вакцынацыі ў вас ёсць магчымасць трапіць у ЕС без каранціну. Для непрышчэпленых уезд у Эстонію закрыты. Выключэнне — транзітны праезд. Аднак у такім выпадку вам спатрэбіцца даказаць, што едзеце праз Эстонію менавіта транзітам.
Таксама ў краіну пусцяць тых, перахварэў на COVID-19, — у пацверджанне перанесенага захворвання трэба мець афіцыйна завераную даведку на эстонскай, рускай ці англійскай мове або выпіску з гісторыі хваробы. Станоўчы вынік тэсту на антыцелы не з'яўляецца дастатковым для пацверджання перанесенага захворвання.
Атрымаць больш падрабязную інфармацыю аб уездзе ў Эстонію можна па тэлефоне +372 794 3500.
Дзе атрымаць візу ЕС у Беларусі
Цяпер чытаюць
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне12
Каментары