Выступаючы сёння на Мальце перад мясцовымі чыноўнікамі, папа рымскі Францішак у квяцістай прамове асудзіў Расію і яе прэзідэнта Пуціна, наўпрост, праўда, па імёнах нікога не называючы. Але з кантэксту ўсё было зразумела.
Пантыфік сказаў:
«З Усходу Еўропы, з краіны, дзе ўзыходзіць сонца, цяпер распаўсюдзіліся цёмныя цені вайны. Мы думалі, што ўварванні ў іншыя краіны, жорсткія вулічныя баі і ядзерныя пагрозы былі змрочнымі ўспамінамі пра далёкае мінулае. Аднак ледзяныя вятры вайны, якія нясуць за сабой толькі смерць, разбурэнне і нянавісць, магутна абрынуліся на жыцці многіх людзей і закранулі ўсіх нас.
У чарговы раз нейкі ўладар, які трапіў у пастку анахранічных нацыяналістычных прэтэнзій, правакуе і распальвае канфлікты, у той час як простыя людзі адчуваюць неабходнасць будаваць будучыню, якая або будзе агульнай, або яе не будзе зусім».
Каментары