«Доўгі час знаходзіліся на адным месцы без руху, чым публічна дэманстравалі сваё масавае скапленне». Жыхароў Калінкавічаў асудзілі за гэта
Траіх жыхароў Калінкавічаў асудзілі за падзеі 27 лютага, калі па ўсёй краіне былі анансаваныя антываенныя акцыі. Прытым нават па афіцыйных пратаколах яны вінаватыя толькі ў тым, што «працяглы час знаходзіліся на адным месцы без руху», піша «Палеская вясна».
Пільны міліцыянт Аляксандр Пашэвіч.
Жыхароў Калінкавічаў, якія прыехалі пагуляць у Мазыр, заўважыў начальнік аддзела аховы парадку і прафілактыкі Мазырскага РАУС Аляксандр Пашэвіч, які напісаў на іх данос свайму начальніку.
Згодна з пратаколам:
- «Было заўважана масавае скапленне грамадзян, а менавіта Тры жанчыны і тры мужчыны, якія ў прысутнасці іншых грамадзян, якія праходзілі, доўгі час знаходзіліся на адным месцы без руху, чым публічна дэманстравалі сваё масавае скапленне»;
- «Яны падышлі адзін да аднаго і проста стаялі. З мэтай спынення неправамерных дзеянняў з боку гэтых асоб мною было паведамлена пешаму нараду пра тое, што адбываецца»;
- «[Грамадзяне] зноў сабраліся разам і працягнулі сваё публічнае знаходжанне без руху на адным месцы, у сувязі з чым гэтая група грамадзян была затрыманая супрацоўнікамі».
Вядома, што дзвюм жанчынам у выніку прысудзілі 70 і 15 базавых велічынь штрафу (2240 і 480 рублёў адпаведна), мужчыну — 800 рублёў штрафу. Ніхто з асуджаных не прызнаў сябе вінаватым у тым, што здзейсніў нешта супрацьпраўнае.
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?7
Каментары