У Малдове забаранілі георгіеўскую стужку, а таксама сімвалы Z і V, якія расійскія войскі выкарыстоўваюць падчас уварвання ва Украіну.
Фота: Reuters.com
Папраўкі ў заканадаўства ўхваліў парламент на пасяджэнні 7 красавіка, паведамляе Newsmaker.md.
Партыя «Дзеянне і салідарнасць» заявіла, што ў Малдове забараняюцца «сімвалы і атрыбуты, якія прапагандуюць ваенную агрэсію, ваенныя злачынствы і злачынствы супраць чалавечнасці».
Дэпутаты таксама прагаласавалі за папраўкі ў Кодэкс аб правапарушэннях, паводле якіх фізічных і юрыдычных асоб, якія вырабляюць, дэманструюць або распаўсюджваюць забароненыя сімвалы, будуць штрафаваць.
Фізічным асобам пагражае штраф да 9 тысяч лееў ($490) або да 60 гадзін грамадскіх работ, а юрыдычным — штраф да 18 тысяч лееў ($980).
Каментары