Ён плануе агледзець месцы гістарычнай спадчыны часоў Вялікага Княства Літоўскага ў Лідзе, Навагрудку, Нясвіжы і Міры.
24—25 жніўня ў Беларусі з прыватным візітам будзе знаходзіцца міністр замежных спраў Літвы Вігаўдас Ушацкас.
Як паведамляе прэс‑служба літоўскага МЗС, наведаць Беларусь і разам агледзець
месцы гістарычнай спадчыны часоў Вялікага княства Літоўскага ў Лідзе, Навагрудку, Нясвіжы і Міры Ушацкаса запрасіў яго беларускі калега Сяргей Мартынаў.
«Візіт скіраваны на развіццё супрацоўніцтва суседніх краін, і асабліва прыгранічных раёнаў, у сферы культуры, турызму, дзелавых адносінаў і кантактаў паміж насельніцтвам», — гаворыцца ў паведамленні.
Падчас візіту Ушацкас плануе абмеркаваць з Мартынавым і іншымі прадстаўнікамі мясцовых органаў улады пытанні, што тычацца захавання агульнай гістарычнай і культурнай спадчыны часоў ВКЛ.
З кіраўніком беларускага МЗС літоўскі міністр таксама мае намер абмеркаваць пытанні двухбаковага палітычнага і эканамічнага супрацоўніцтва, перспектывы дыялогу паміж Беларуссю і Еўрасаюзам.
Каментары