Вайсковы эксперт: Раптоўныя праверкі войска выклікаюць абгрунтаваныя асцярогі, бо вядома, чым скончылася папярэдняя

Згадваючы сумную практыку апошняга часу, эксперт адзначае:

«Раптоўныя праверкі выклікаюць абгрунтаваныя асцярогі. Нагадаю, што 18 студзеня 2022 г. на тэрыторыі Беларусі таксама пачалася раптоўная праверка — сілаў рэагавання так званай Саюзнай дзяржавы. Чым яна скончылася — вядома.

Як і тады, цяпер не паведамляецца пра склад сілаў, якія правяраюцца. Як і ўсе сур'ёзныя перамяшчэнні беларускіх войскаў з 2020 года, бягучая праверка, скажам так, як мінімум узгодненая з Пуціным і пачалася пасля тэлефоннай размовы з ім Лукашэнкі 3 мая».

Прытым сам факт праверкі, нават калі ёй усё і абмяжуецца, на думку Лебядка, выгадны і Лукашэнку, і Пуціну:

«Лукашэнка можа выкарыстоўваць праверку для ціску на краіны Захаду ў мэтах вяртання да дыялогу і да т. п. (як у мінулыя гады), хоць цяпер гэта праблемна.

Для Пуціна такая праверка выгадная тым, што зноў стварае некаторае дадатковае напружанне для ўкраінцаў. Разам з інфармацыяй па Малдове і ўкідах пра абвяшчэнне Расіяй вайны Украіне 9 мая гэта вымусіць УСУ часткова адцягнуць увагу і, магчыма, сілы ад данбаскага напрамку. Таксама гэта дадатковае напружанне для краін Балтыі і НАТА».

А што будзе, калі чуткі пацвердзяцца і Расія неўзабаве афіцыйна абвесціць вайну Украіне?

«У выпадку рэальнага абвяшчэння вайны Расіяй, а зроблена гэта будзе хутчэй за ўсё пад зачэпкай нападу Украіны (авіяналёт, удар ракетамі, пастаўленымі краінамі НАТА і да т. п. па тэрыторыі РФ),

Беларусь у рамках ваеннай дактрыны Саюзнай дзяржавы будзе разглядаць такі «напад» як замах на Саюзную дзяржаву ў цэлым і будзе прадпрымаць адпаведныя меры ў адказ з выкарыстаннем усіх сілаў і сродкаў, якія знаходзяцца ў распараджэнні.

Таксама і з АДКБ, дзе такая «агрэсія» будзе ўспрынятая як і супраць Беларусі, таму па просьбе Расіі Беларусь неадкладна надасць ёй неабходную дапамогу, уключаючы ваенную».

Эксперт пералічвае шэраг важных мерапрыемстваў апошняга часу, якія сведчаць пра заклапочанасць беларускіх уладаў узмацненнем баяздольнасці беларускага войска і ў канцы робіць выснову:

«Май не самы шчаслівы перыяд для баявых дзеянняў, з прычыны таго, што дэмабілізуюцца вайскоўцы тэрміновай службы, а толькі прызваныя яшчэ і прысягу не прынялі.

Але ў выпадку мабілізацыі, увядзення ваеннага становішча або з надыходам ваеннага часу тыя, хто падлягае дэмабілізацыі з тэрміновай службы, адразу працягваюць службу па мабілізацыі».

Чытайце таксама:

Ва Узброеных Сілах Беларусі пачалася раптоўная праверка боегатоўнасці. На дарогах з'явяцца калоны

• 1
• 0
• 2
• 12
• 1
• 1
• 35
• 0