Прэзідэнт Украіны Уладзімір Зяленскі заявіў, што першым крокам для разблакавання перамоў з Расіяй з'яўляецца адвядзенне расійскіх войскаў на пазіцыі да 24 лютага.
«Я лічу, што крок мінімальны перад тым, як скончыць усю вайну, мінімальны крок — ён ёсць. Каб нам нармальна пачаць гаварыць, калі можна ў цэлым выкарыстоўваць слова «нармальна», то калі б разблакаваць, скажам так, дыпламатычны фармат адносін для спынення вайны паміж Украінай і Расіяй, то і крок павінен быць — аднавіць сітуацыю да поўнамаштабнага ўварвання, да 24 чысла. Ім трэба адысці на тыя часовыя кантактныя лініі або размежавальныя лініі і адысці туды войскамі. Тады можна гаварыць паўнавартасна. Я так лічу», — заявіў Зяленскі.
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары