У цягніку Віцебск—Мінск п'яны пасажыр ударыў спадарожніка нажом у шыю
Жорсткі напад адбыўся ўвечары 12 лютага ў цягніку, які рухаўся з Віцебска ў Мінск.
На перагоне ля станцыі «Барысаў» 36‑гадовы жыхар Віцебскай вобласці, будучы п'яным, ударыў нажом у шыю 45‑гадовага спадарожніка, піша «Мінская праўда».
Мужчына ехаў у трэцім вагоне. Маючы білет на верхнюю паліцу, ён самавольна заняў бакавое месца і з самага пачатку паводзіўся задзірліва: чапляўся да замежніка, адпускаў пахабныя каментары ў адрас маладой дзяўчыны, піў алкаголь, дадаючы яго ў гарбату.
Прыкладна праз паўтары гадзіны шляху паміж ім і суседам успыхнула сварка. П'яны пасажыр пачаў абражаць мужчыну і пагражаць расправай.
На станцыі «Барысаў» абодва дамовіліся выйсці і разабрацца на вуліцы. Але, не чакаючы прыпынку, мужчына раптам дастаў складны нож і ўдарыў у шыю апанента.
Відавочцы не разгубіліся і адразу пачалі аказваць пацярпеламу першую дапамогу. На наступнай станцыі — у Жодзіне — мужчыну экстранна шпіталізавалі ў рэанімацыю, а нападніка затрымалі.
«Медыкі дыягнаставалі ў яго колата-рэзанае раненне шыі з пашкоджаннем сонных артэрый, а таксама ярэмных вен», — удакладнілі ва УСК. Траўмы адносяцца да катэгорыі цяжкіх.
Заведзена крымінальная справа.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах15
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння55
Каментары