«Святочны салют». У адказ на перамогу Kalush Orchestra «Азоўсталь» абстралялі фосфарнымі снарадамі
Украіна правядзе «Еўрабачанне-2023» у вызваленым Марыупалі? У адказ на перамогу Kalush Orchestra «Азоўсталь» абстралялі фосфарнымі снарадамі. «Святочны салют», — пішуць расійскія каналы.
Прэзідэнт Украіны Уладзімір Зяленскі ў віншаванні з нагоды перамогі Kalush Orchestra напісаў: «Мы зробім усё, каб аднойчы ўдзельнікаў і гасцей «Еўрабачання» прыняў украінскі Марыупаль. Свабодны, мірны, адбудаваны».
Тым часам сёння ўранку «Азоўсталь», імаверна, абстралялі фосфарнымі снарадамі. «Святочны салют», — зло жартуюць расійскія каналы.
Відэа абстрэлу апублікаваў памочнік мэра Марыупаля Пятро Андрушчанка. Страшнае відовішча — агнявы дождж.
Абарона Марыупаля доўжыцца амаль тры месяцы, горад татальна разбураны расійскімі бамбёжкамі.
Сёння ўначы Kalush Orchestra перамаглі на «Еўрабачанні» дзякуючы адзінадушнаму, рэкорднаму ў гісторыі галасаванню гледачоў.
Як адзначыў фронтмэн Kalush Orchestra Алег Псюк, вайна цалкам памяняла ўспрыманне сэнсу гэтай песні, што знайшло адлюстраванне ў кліпе.
15 мая Kalush Orchestra паказалі кліп на песню Stefania, зняты ў Бучы, Ірпені і Барадзянцы.
Кліп заканчваецца заклікам: Stand with Ukraine! Будзьце з Украінай!
Украіна перамагла на Еўрабачанні, дзякуючы рэкорднай падтрымцы тэлегледачоў
14 мая ўкраінскія рэперы Kalush Orchestra перамаглі на Еўрабачанні-2022 у італьянскім Турыне. Па выніках галасавання журы яны былі толькі 4-я, але атрымалі рэкордныя ў гісторыі конкурсу 439 балаў з 468 магчымых ад гледачоў. Прычым за Украіну ў гэтай дэманстрацыі салідарнасці галасавалі нават традыцыйна прарасійскія Сербія і Арменія.
Цяпер чытаюць
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары