У вёсцы Аздамічы Столінскага раёна адбылося ДТЗ з удзелам дзвюх непаўналетніх матацыклістак, паведамляе УУС Брэсцкага аблвыканкама.
Фота: УУС Брэсцкага аблвыканкама
5 ліпеня 15‑гадовая дзяўчынка, якая не мела пасведчання кіроўцы, ехала на матацыкле «Мінск-D4» па вуліцы 9 Мая ў Аздамічах. Разам з ёй знаходзілася 13‑гадовая пасажырка. У нейкі момант яна сутыкнулася з матацыклам «Мінск», якім кіравала 14‑гадовая дзяўчына, таксама без права кіравання.
Пасля сутыкнення старэйшая матацыклістка з'ехала ў кювет і рэзнулася ў плот.
15‑гадовую кіроўцу і яе 13‑гадовую пасажырку шпіталізавалі. Устаноўлена, што абедзве ехалі ў моташлемах, але яны не былі зашпіленыя.
Па факце здарэння праводзіцца праверка.
Каментары