15 мая ў Сочы затрымалі былога палітвязня з Брэста, 24-гадовага Юрыя Касцюка. Ён утрымліваецца ў мясцовым ІЧУ. Паводле інфармацыі праваабаронцаў, у Беларусі ён абвешчаны ў вышук па артыкуле аб садзейнічанні экстрэмісцкай дзейнасці. Паводле звестак «Вясны», Юрый збіраўся вылецець з Сочы ў Азербайджан.
Раней Юрыя абвінавачвалі ў здзеках з дзяржаўных сімвалаў па арт. 370 КК за сарваны з гасцініцы сцяг. 17 лістапада 2020 года Юрыя асудзілі на 1 год «хіміі». 23 лістапада 2021 года адбыўся суд па замене прысуду на больш строгі. У выніку Касцюку замянілі «хімію» на 1 месяц і 16 дзён калоніі. 6 студзеня палітвязень выйшаў на волю.
Юрый — адзін з затрыманых КДБ 15 лютага за ўдзел у тэлеграм-чаце асуджаных на «хімію» «Валейбол па выхадных». У выніку яго асудзілі да 15 сутак арышту за «распаўсюджванне экстрэмісцкіх матэрыялаў».
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары