У Жодзіне сын следчага перадаў Nextа копію службовага дакумента. Бацьку звольнілі, а сына будуць судзіць
У студзені 2022 года сын следчага Жодзінскага гарадскога аддзела Следчага камітэта ўзяў у бацькі копію службовага дакумента і перадаў дакумент тэлеграм-каналу Nextа, які быў прызнаны экстрэмісцкім, а пазней — і тэрарыстычным фармаваннем.
Паводле матэрыялаў справы, абвінавачаны перадаў адміністратарам Telegram-канала Nexta копію службовага дакумента цэнтральнага апарата Следчага камітэта аб уключэнні cледчага Жодзінскага ГОСК у склад групы па расследаванні крымінальнай справы ў дачыненні да Франака Вячоркі, Рамана Пратасевіча і іншых асоб.
Неўзабаве хлопца і яго бацьку затрымалі. Праз некаторы час cледчага звольнілі з СК, а сына арыштавалі. Ён дагэтуль застаецца пад вартай, яго абвінавачваюць паводле ч. 1 арт. 361-4 (садзейнічанне экстрэмісцкай дзейнасці) Крымінальнага кодэкса Беларусі. Яму пагражае да шасці гадоў пазбаўлення волі.
Генпракуратура ўжо перадала крымінальную справу ў суд.
Гаворка ідзе пра дакумент, які 16 студзеня апублікаваў у сябе на старонцы ў Фэйсбуку Франак Вячорка. З яго вынікае, што Вячорка, а таксама Раман Пратасевіч, Антон Матолька і Сцяпан Пуціла абвінавачваюцца альбо падазраюцца па дзесяці артыкулах Крымінальнага кодэкса Беларусі, піша Zerkalo.io
Цяпер чытаюць
Што Бабарыка і Калеснікава адказалі на пытанні пра вайну97
Каментары