Гэты просты прадмет можа падняць ваш фітнэс на новы ўзровень. Вось некалькі ідэй

Павялічыць сваю моц і хуткасць

Згодна з нядаўнім аналізам 21 даследавання, скачкі праз скакалку могуць памяншаць для шэрагу бегуноў час, патрэбны ім для тых ці іншых дыстанцый. Так адбываецца, таму што калі вы скачаце, вашы ногі дакранаюцца да зямлі на меншы перыяд часу, чым калі вы бежыце, і адпаведна вы атрымліваеце больш часу на сам бег, піша New York Times.

Скакалка таксама зробіць вас мацнейшым. Калі вы хутка скачаце, вашы мускулы і сухажыллі павінны хутчэй скарачацца і распраўляцца, і пры гэтым забяспечваць для вас тую ж самую сілу. Эксперты кажуць, што калі прыкладаць адны і тыя ж фізічныя намаганні за больш кароткі прамежак часу, гэта дапамагае нарасціць моц.

Палепшыць пачуцце раўнавагі і хуткасць рэакцыі

Любая актыўнасць, звязаная з паўтарэннем скачкоў, павялічвае колькасць хуткіх мускульных валокнаў і эфектыўнасць іх працы. Так называюць валокны, якія звычайна выкарыстоўваюцца ў хуткіх, выбухных рухах, і падчас скачкоў на скакалцы яны хутчэй актывуюцца і адпраўляюць зваротную сувязь у мозг.

Больш за тое, сувязь паміж хуткімі мускульнымі валокнамі і вашым мозгам — асноўнае, што дапамагае падтрымліваць цела ў раўнавазе, асабліва калі вам патрэбная высокая хуткасць рэакцыі. Падчас старэння мы губляем мускулы, перш за ўсё хуткія мускульныя валокны, і гэта адна з прычын, чаму старыя людзі часцей падаюць. Практыкаванні накшталт скачкоў на скакалцы могуць дапамагчы ў выпадку з гэтай праблемай.

Павялічыць шчыльнасць касцяной тканіны

Касцяная тканіна дынамічная, яна пастаянна праходзіць праз цыклы пабудовы і распаду. І калі вашы косці маюць пастаянную нагрузку, напрыклад, падчас скачкоў на скакалцы, гэта спрыяе таму, каб яны станавіліся больш тоўстымі і моцнымі.

Розныя віды скачкоў карысныя

Калі вы бегаеце, вы робіце рухі аднаго і таго ж фармату. У той жа час існуе шмат розных відаў скачкоў праз скакалку, і гэта можа значна разнастаіць трэніроўку. Калі вы змяняеце траекторыю скакалкі або рухі ног падчас скачкоў, вы таксама змяняеце напрамкі працы з косткамі і мускуламі, што можа знізіць рызыку траўмы праз перанапружванне.

З чаго пачынаць трэніроўкі

Важна пачынаць займацца скачкамі павольна, каб даць арганізму час для адаптацыі. Гэта асабліва важна, калі вы толькі пачынаеце займацца фітнэсам пасля перыяду без аніякай актыўнасці, калі ваша цела не прывыкла да скачкоў або калі вы аднаўляецеся пасля траўм.

У пачатку, магчыма, вам хопіць рабіць па адзін-два скачкі за раз, пакуль вы не зразумееце, як павінны рухацца вашы ногі і скакалка. Або паспрабуйце разбіць скачкі на этапы — проста трымайце скакалку ззаду і скачыце, не размахваючы ёй. Гэта дапаможа вам адчуць сябе ямчэй падчас скачкоў, а таксама адчуць, як правільна каардынаваць рухі цела.

Яшчэ адзін лайфхак — спыніць рух скакалкі да таго моманту, калі яна дакранецца да падлогі перад вамі. У гэтае імгненне пераступіце праз яе, каб развіць адчуванне часу, калі скакалка падае на зямлю.

Калі ж скачкі ніяк не атрымліваюцца, прасачыце за пазіцыяй свайго цела. Падчас скачкоў трэба прызямляцца на пярэднюю частку стапы, а не на ўсю стапу цалкам, і трохі згінаць калені. Паглядзіце самі, з чаго вам зручней пачынаць — са скачкоў абедзвюма нагамі адначасова або з чаргавання ног.

Таксама важна падабраць скакалку правільнай даўжыні. Каб зразумець, ці падыходзіць вам тая ці іншая скакалка, станьце на яе сярэдзіну і нацягніце яе. Канцы скакалкі павінны даходзіць да вашых падпах.

Ці сапраўды для здароўя карысна праходзіць 10 тысяч крокаў штодзень? Не, толькі 7500

Як правільна насіць фітнэс-бранзалет (хутчэй за ўсё, вы робіце гэта няправільна)

• 9
• 0
• 0
• 0
• 0
• 0
• 1
• 0