У Слуцку і Ганцавічах зачыніліся некаторыя «азіяцкія» крамы з танным адзеннем і абуткам. Верагодна, пра закрыццё гэтай сеткі з 240 крам распавядаў учора дзяржкантроль.
Як піша Kurjer.info, у Слуцку на вуліцы Леніна закрылася крама «Смешныя цэны», на Максіма Багдановіча — «Свет адзення і абутку», у новай краме на 14 Партызан дэмантуюць гандлёвае абсталяванне.
Усе гэтыя крамы (у народзе іх называюць «азіяцкія») прадавалі таннае адзенне і абутак.
Як высветліў «Курʼер», падатковая інспекцыя працуе з гэтымі крамамі, «праводзіць адміністрацыйныя працэдуры».
Прадаўцы слуцкіх «азіяцкіх» крам, з якімі ўдалося перагаварыць, сказалі, што іх не звольнілі, а сказалі пакуль пачакаць.
Ёсць праблемы ў крамах танных тавараў і ў іншых гарадах Беларусі. Напрыклад, у Ганцавічах таксама зачынілася некалькі павільёнаў. Мясцовыя журналісты пішуць, што работнікаў гэтых крамаў, гэтак жа, як і случчан, пакуль не звольнілі.
«Ганцавіцкі час» распавядае, што першы «азіяцкі» павільён зʼявіўся ў Ганцавічах у 2017 годзе. Прыкладна з 2016 года магазіны нізкіх коштаў сталі з'яўляцца па ўсёй краіне.
Найперш яны сталі канкурэнтамі для прадпрымальнікаў з рынкаў, якія неаднойчы ставілі перад МАРГ пытанне пра нядобрасумленную канкурэнцыю.
Яшчэ ў студзені 2018 года ў Міністэрстве антыманапольнага рэгулявання і гандлю прайшла сустрэча, на якой прадпрымальнікі з удзелам міністра Уладзіміра Калтовіча абмеркавалі праблемы крамаў, адкрытых у Беларусі гандлярамі з краін Цэнтральнай Азіі.
Прадпрымальнікі казалі, што без парушэння закона гандляваць па такіх нізкіх цэнах немагчыма. Паводле ўдзельніка сустрэчы з міністрам, лідара прадпрымальніцкай арганізацыі «Перспектыва» Анатоля Шумчанкі, «занепакоіліся нарэшце і дзяржаўныя чыноўнікі».
Але крамы працягвалі працаваць.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА12
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны33
Каментары